काठमाडौं । पछिल्लो २४ घण्टामा १२० जना कोरोना भाइरस (कोभिड–१९) मा पुष्टि भएको छ । स्वास्थ्य तथा जनासंख्या मन्त्रालयका अनुसार बिहीबार १२० जना कोरोना संक्रमित भेटिएका हुन् । यससँगै नेपालमा हालसम्म संक्रमित हुनेको संख्या २ लाख ७६ हजार ५०९ पुगेको छ ।
मन्त्रालयका अनुसार पछिल्लो २४ घण्टामा ८५ जना संक्रमित कोरोनामुक्त भई डिस्चार्ज भएका छन् । संक्रमणमुक्त हुनेको जम्मा संख्या २ लाख ७२ हजार २७२ पुगेको छ ।
गत २४ घण्टामा कुनै पनि कोरोना संक्रमितको मृत्यु भएको छैन । हालसम्म मृत्यु हुनेको संख्या ३ हजार २० रहेको छ ।
हाल देशभर सक्रिय संक्रमितको संख्या १ हजार २१७ रहेको छ भने ५५ जना क्वारेन्टिनमा रहेका छन् ।
