काठमाडौं । पछिल्लो २४ घण्टमा देशभर ४९ सय २८ जनालाई कोरोना भाइरस (कोभिड–१९) संक्रमण पुष्टि भएको छ । सोही अवधिमा ८ सय ८८ जना निको भएका छन् भने ३५ जनाको मृत्यु भएको छ ।
१२ हजार ५९७ जनाको पीसीआर परीक्षण भएकोमा ४८ सय ३१ जनालाई पोजेटिभ देखिएको छ भने ९६३ जनाको एन्टीजेन परीक्षण हुँदा ९७ जनालाई संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
अहिलेसम्म नेपालमा कोरोना संक्रमितको संख्या ३ लाख १७ हजार ५३० पुगेको छ । जसमध्ये २ लाख ८० हजार १६७ निको भएका छन् भने ४२ सय ४६ जनाको मृत्यु भएको छ । अहिले सक्रिय संक्रमितको संख्या ३४ हजार ११७ रहेको छ ।
