काठमाडौं । पछिल्लो २४ घण्टामा देशभर २१४ कोरोना भाइरस (कोभिड–१९) संक्रमितको मृत्यु भएको छ । स्वास्थ्य तथा जनसंख्या मन्त्रालयका अनुसार आज २१४ संक्रमितको मृत्यु भएको पुष्टि भएको छ ।
आज मृत्यु भएकासँगै नेपालमा संक्रमित मृतकको संख्या ४ हजार ४६६ पुगेको छ । यसअघि हिजो (बुधबार) १६८ जनाको मृत्यु भएको थियो । नेपालमा कोरोनाबाट मृत्यु हुनेको संख्या दिनदिनै उकालो लागेको छ ।
गएको २४ घण्टामा २० हजार २ सय ४५ जनाको परीक्षण गर्दा ८९ सय ६० जना संक्रमित थपिएका छन्। यो अवधिमा ५ हजार ५५ जना संक्रमण मुक्त भएको मन्त्रालयको तथ्यांक छ।
