काठमाडौं । पछिल्लो २४ घण्टामा २९ सय १८ जनामा कोरोना भाइरस (कोभिड–१९) संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ।
यो साता दिनै सक्रिय संक्रमितको संख्या घट्दो छ । पछिल्लो २४ घण्टामा ९ हजार ४३८पीसीआर र ५ हजार ३८१ जनाको एन्टीजेन गरि जम्मा १४ हजार ८१९ परीक्षण भएको छ । जसमा पीसीआरमा २०४९ र एन्टीजेनमा ८६९ जनालाई पोजेटिभ देखिएको छ ।
स्वास्थ्य तथा जनसंख्या मन्त्रालयका अनुसार सोही अवधिमा ५ हजार १४७ जना संक्रमणमुक्त भएका छन् । अहिले आइसोलेसनमा ६५ हजार ८०४ जना संक्रमित रहेका छन् ।
अहिलेसम्म ६ लाख ३१ हजार ८६० जनालाई कोरोना संक्रमण पुष्टि भएको छ । जसमध्ये ५ लाख ३६ हजार २५२ जना निको भएका छन् । ५३ जना संक्रमितको मृत्यु भएको छ । योसँगै कोरोना संक्रमणबाट मृत्यू हुनेको संख्या ८ हजार ४६५ जना पुगेको छ ।
