काठमाडौं । पछिल्लो २४ घण्टामा २४ सय २१ जनालाई कोरोना भाइरस (कोभिड–१९) संक्रमण पुष्टि भएको छ । स्वास्थ्य तथा जनसंख्या मन्त्रालयका प्रवक्ता डा. कृष्ण पौडेलले सो जानकारी दिएका हुन् । सोही अवधिमा ३५ सय ५८ निको भएका छन् भने ५२ जनाको मृत्यु भएको छ । उनका अनुसार यसअभि विभिन्न समयमा कोरोनाका कारण मृत्यु भएके तर तथ्यांकमा नदेखिएको थप २९ जना रहेको पनि बताए ।
सक्रिय संक्रमितको संख्या घट्दै गएको छ । पछिल्लो २४ घण्टामा ७४ सय ६१ पीसीआर र ४९ सय ५३ जनाको एन्टीजेन गरि जम्मा १२ हजार ४१४ परीक्षण भएको छ । जसमा पीसीआरमा १५ सय ११ र एन्टीजेनमा ९१० जनालाई पोजेटिभ देखिएको छ ।
अहिलेसम्म नेपालमा ६ लाख ५६ हजार ८९१ जनालाई कोरोना पुष्टि भएको छ जसमध्ये ५ लाख ६८ हजार ४४० जना निको भएका छन् भने ८८ सय ९४ जनाको मृत्यु भएको छ । अहिले देशभर ५० हजार ५२० जना सक्रिय संक्रमित छन् ।
