काठमाडौं । पछिल्लो २४ घण्टामा देशभर २६ सय २२ कोरोना भाइरस (कोभिड–१९) संक्रमित थपिएका छन् । स्वास्थ्य तथा जनसंख्या मन्त्रालयका अनुसार ११ हजार ५२७ को कोरोना परीक्षण गर्दा २ हजार ६२२ मा संक्रमण पुष्टि भएको हो ।
मन्त्रालयका अनुसार ७४ सय ९९ को पीसीआर विधिबाट परीक्षण गर्दा १७ सय ४५ र ४ हजार २८ को एन्टिजेन विधिबाट परीक्षण गर्दा ८७७ मा कोरोना देखिएको हो । योसँगै नेपालमा कोरोना संक्रमित हुनेको संख्या ६ लाख ४६ हजार ३६७ पुगेको छ ।
यसैगरी पछिल्लो २४ घण्टामा २३ जनाको मृत्यु भएको मन्त्रालयले जनाएको छ । यससँगै कोरोनाबाट मृत्यु हुनेको संख्या ९ हजार २ सय ४८ पुगेको छ।
यस्तै गत २४ घण्टामा २ हजार २११ जना संक्रमणमुक्त भएका छन् । योसँगै कोरोनामुक्त हुनेको संख्या ६ लाख ११ हजार ४२९ पुगेको छ ।
पछिल्लो समय मुलुकभर २५ हजार ६९० जना सक्रिय संक्रमित रहेका छन् भने ३१७ जना क्वारेन्टिनमा रहेका छन् ।
