काठमाडौं । आज देशभर २४ सय ४५ जनालाई कोरोना भाइरस (कोभिड–१९) को संक्रमण पुष्टि भएको छ । स्वास्थ्य तथा जनसंख्या मन्त्रालयले ११ हजार ६६४ जनाको परीक्षण भएको जनाएको छ । जसमा २४ सय ४५ जनालाई पोजेटिभ देखिएको हो। यस्तै सोही अवधिमा १२ सय ५८ जना निको भएका छन् भने ३२ जनाको मृत्यु भएको छ ।
पछिल्लो २४ घण्टामा काठमाडौं उपत्यकामा ४७४ जनालाई कोरोना भाइरस संक्रमण पुष्टि भएको छ । काठमाडौंमा ३३०,भक्तपुरमा ८८ र ललितपुरमा ५६ जनालाई पोजेटिभ देखिएको छ ।
७८ सय ३३ को पीसीआर र ३८ सय ३१ जनाको एन्टीजेन परीक्षण भएको छ । जसमा १६ सय ४२ जनालाई पीसीआर र ८०३ जनालाई एन्टीजेन परीक्षणमा संक्रमण पुष्टि भएको छ ।
अहिले सक्रिय संक्रमित २५ हजार ८३७ जना छन् । अहिलेसम्म नेपालमा ७ लाख १८ हजार ४९४ जनामा संक्रमण पुष्टि भएको छ । जसमध्ये ६ लाख ३३ हजार ३३२ जना संक्रमणमुक्त हुनुका साथै ९५ सय ८२ जनाको मृत्यु भएको छ ।
