काठमाडौं । पछिल्लो २४ घण्टामा १२ हजार १०६ जनाको कोरोना परीक्षण हुँदा २२ सय १२ जनालाई संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ८ हजार ८८ जनाको पीसीआर र ४ हजार १८ जनाको एन्टीजेन परीक्षण भएको छ ।
यस्तै १८ सय ६७ जना संक्रमणमुक्त भएका छन् भने ३३ जनाको मृत्यु भएको छ । अहिले सक्रिय संक्रमित ३९ हजार २९८ छन् जसमध्ये ७५८ जना आइसियु र १९३ जना भेन्टिलेटरमा छन् ।
अहिलेसम्म नेपालमा ७ लाख ३२ हजार २७२ पीसीआर र ७५ हजार १३० जनाको एन्टीजेन परीक्षणमा संक्रमण पुष्टि भएको छ ।
यसैगरी ६ लाख ८२ हजार ६८२ जना निको भएका छन् १० हजार २९२ जनाको मृत्यु भएको छ ।
यसैबीच आज थपिएकामध्ये काठमाडौं उपत्यकामा ७३९ जनालाई संक्रमण पुष्टि भएको छ । काठमाडौंमा ५२२, ललितपुरमा १५४ र भक्तपुरमा ६३ जनालाई पोजेटिभ देखियो ।
