काठमाडौं । निजी क्षेत्रको वायुसेवा प्रदायक कम्पनी गुण एयरलाइन्सले आन्तरिक उडानका यात्रुका लागि वातानुकुलित दुई विद्युतीय बस सेवा सञ्चालनमा ल्याएको छ ।
यही असोज १ गते शुक्रबारदेखि आफ्नो नियमित उडान सुरु गरेको कम्पनीले आन्तरिक विमानस्थलमा पहिलो पटक विद्युतीय बस सञ्चालन गरेको हो ।
एयरलाइन्सका प्रवक्ता एवं बजार प्रमुख प्रज्वल थापाका अनुसार व्रिटिस जहाज ३० सिट क्षमताको ५ वटा जेटस्ट्रिम हालैमात्र खरिद गरिएको र उडान अनुमतीको प्रकृया अन्तिम चरणमा रहेको छ । अनमती प्राप्त हुनासाथ भद्रपुर, विराटनगर, जनकपुर, सिमरा, भैरहवा, तुम्लिङटार र नेपालगञ्जमा उडान सुरु गरिने जनाइएको छ ।
हाल गुण एयरलाइन्सका ७ वटा जहाज रहेका छन् ।
त्रिभुवन अन्तराष्ट्रिय विमानस्थललाई वातावरण अनुकुल बनाउने उद्देश्यकासाथ यात्रु ओसार पसारका लागि दुईवटा विद्युतीय बस सञ्चालनमा ल्याएको गुण एयरले जनाएको छ ।
यो पनि पढ्नुहोस्
