काठमाडौं । पछिल्लो २४ घण्टामा १३ हजार ९ सय ३० नमूना परीक्षणमा १४ सय ७८ जनामा कोरोना भाइरस (कोभिड–१९) संक्रमण पुष्टि भएको छ। पछिल्लो २४ घन्टामा ११ हजार ६७ नमूनाको पीसीआर र २८ सय ६३ नमूनाको एन्टिजेन विधिबाट परीक्षण गरिएको थियो। जसमध्ये पीसीआर विधिबाट १२ सय ५१ र एन्टिजेन विधिबाट २२७ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।
यस्तै पछिल्लो २४ घन्टामा कोरोनाबाट थप ६ जनाको मृत्यु भएको छ। यो सँगै नेपालमा कोरोनाबाट मृत्यु हुनेको संख्या ११ हजार ५९ पुगेको हो ।
मन्त्रालयका अनुसार बुधबार थप १६ सय ३० जना कोरोनामुक्त भएका छन्।
कोरोनाका सक्रिय संक्रमितको संख्या २१ हजार १३९ पुगेको छ। मन्त्रालयका अनुसार संक्रमित ३३४ जनाको भेन्टिलेटरमा र ११९ जनाको आइसीयूमा उपचार भइरहेको छ।
