काठमाडौं । पछिल्लो २४ घण्टामा १० हजार ५७९ जनाको कोरोना परीक्षण हुँदा ९ सय ५३ जनालाई कोरोना भाइरस (कोभिड–१९) संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार सोही अवधिमा १३ सय ७१ जना निको भएका छन् भने ६ जनाको मृत्यु भएको छ ।
यस्तै आज थपिएकामध्ये काठमाडौं उपत्यकाका ३ सय ११ जना छन् । काठमाडौंमा १ सय ९८, लतिपुरमा ७३ र भक्तपुरमा ४० जनालाई संक्रमण पुष्छि भएको छ । हालसम्म नेपालमा ८ लाख ८१ हजार १०५ जनालाई संक्रमण भएको छ जसमा ७ लाख ५९ हजार ८७५ जना निको भएका छन् भने ११ हजार ८७ जनाको मृत्यु भएको छ ।
यसैबीच पछिल्लो २४ घण्टामा २ लाख १६ हजार ७२५ जनाले कोरोना विरुद्धको खोप लगाएका छन् ।
