काठमाडौं । पछिल्लो २४ घण्टामा देशभर २३८ जना कोरोना भाइरस (कोभिड–१९) संक्रमित थपिएका छन्। स्वास्थ्य मन्त्रालयले दिएको विवरण अनुसार पीसीआर परीक्षणबाट २३२ र एन्टिजेन परीक्षणबाट ६ जनाको कोरोना संक्रमण पुष्टि भएको हो ।
२४ घण्टामा हजार ७८ सय ४५ पीसीआर परीक्षण र १२ सय ७८ एन्टिजेन परीक्षण गरिएको स्वास्थ्य मन्त्रालयले जनाएको छ। जम्मा परीक्षण ९ हजार १२३ गरिएको छ ।
३ सय ७० जना कोरोनामुक्त भएका छन् । २४ घण्टामा कोरोनाबाट १ जनाको मृत्यु भएको छ।
अहिले देशभर सक्रिय संक्रमितको संक्रमितको संख्या ७ हजार १६४ छ ।
स्वास्थ्य मन्त्रालयका अनुसार अहिलेसम्म पीसीआर विधिबाट गरिएको परीक्षणबाट ८ लाख १९ हजार १९ जनामा कोरोना संक्रमण पुष्टि भएको छ । एन्टिजेनबाट कोरोना पुष्टि हुनेको संख्या ९५ हजार ३१४ पुगेको छ ।
हालसम्म ८ लाख ३५९ जना कोरोनामुक्त भएका छन् । कोरोनाबाट मृत्यु हुनेको कुल संख्या ११ हजार ४९६ पुगेको छ ।
२४ घण्टामा ४० हजार १४ जनाले कोभिड(१९ विरुद्धको खोप लगाएको स्वास्थ्य मन्त्रालयले जानकारी दिएको छ ।
