काठमाडौं । नेपालमा थप २ सय १३ जनामा कोरोना भाइरस (कोभिड–१९) को संक्रमण पुष्टि भएको छ।
स्वास्थ्य तथा जनसंख्या मन्त्रालयका अनुसार शनिबार २१३ जना संक्रमित थपिएका हुन्।
पछिल्लो २४ घण्टामा ६ हजार ६ सय ३२ जनाको कोरोना परीक्षण गर्दा सो संख्यामा संक्रमित थपिएका हुन्।
४ हजार ९०७ जनाको पिसिआर परीक्षण र १७ सय २५ जनाको एन्टिजेन परीक्षण गरिएको थियो।
नेपालमा हाल ७ हजार १५६ जना सक्रिय संक्रमित छन्।
यस्तै, पछिल्लो २४ घण्टामा कोरोना भाइरसको संक्रमणबाट ३ जनाको मृत्यु भएको छ। योसँगै मृत्यु हुनेको संख्या ११ हजार ५२१ पुगेको छ।
३ सय २५ जना निको समेत भएको मन्त्रालयले जनाएको छ।
