काठमाडौं । गएको २४ घण्टामा देशभर १२ हजार ४९८ जनाको कोरोना भाइरस (कोभिड–१९) परीक्षण भएको छ । परीक्षण भएकामध्ये ३२६ जनालाई संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार सोही अवधिमा २५५ जना संक्रमणमुक्त भएका छन् भने २ जनाको मृत्यु भएको छ । अहिले सक्रिय संक्रमित ५ हजार ५ जना छन् ।
यसैबीच २४ घण्टामा ३ लाख ४४ हजार ४४ जनाले कोरोना विरुद्धको खोप लगाएका छन् । सरकारले दैनिक ५ लाख जनालाई खोप लगाउने लक्ष्य राखेको छ ।
