काठमाडौं । काठमाडौं उपत्यकाका तीनै जिल्लामा भोलिबाट १२ देखि १७ वर्षका बालबालिकालाई खोप दिइने भएको छ ।
काठमाडौं भक्तपुर र ललितपुर जिल्लामा भोलिबाट बालबालिकालाई फाइजर र मोडर्ना खोप दिइने स्वास्थ्य मन्त्रालयले जानकारी दिएको छ ।
मन्त्रालयका अनुसार तीनै जिल्लाका सबै स्थानीय तहमा भोलिबाट खोप अभियान सुरु हुनेछ । १२ वर्ष लागेका र खोप लगाउने दिनसम्म १७ वर्ष ११ महिना २९ दिन उमेर भएकालाई खोप दिइनेछ ।
उमेर खुल्ने परिचय पत्र बोकेर खोप केन्द्रमा जान तथा आफ्ना बालबालिकालाई खोप लगाउन लैजान अभिभावकलाई मन्त्रालयले आग्रह गरेको छ ।
