काठमाडौं । काठमाडौं उपत्यकामा २२ सय १९ जनामा कोरोना भाइरसको संक्रमण पुष्टि भएको छ ।
पछिल्लो २४ घण्टामा काठमाडौंमा १५ सय ९१, ललितपुरमा ४८६ र भक्तपुरमा १४२ जनामा कोरोना पुष्टि भएको स्वास्थ्य तथा जनसंख्या मन्त्रालयकी प्रवक्ता डा. संगीता कौशल मिश्राले जानकारी दिइन् ।
यस्तै, काठमाडौं उपत्यका बाहिर चितवनमा २०५, सुनसरी ११६, मोरङमा १०४, मकवानपुर ८३ र कास्कीमा ७३ जनामा कोरोना पुष्टि भएको उनले बताइन् ।
उनका अनुसार पछिल्लो २४ घण्टामा देशभर ४६ सय ३६ जनामा कोरोना पुष्टि भएको छ । पछिल्लो २४ घण्टामा ३५० जना कोरोना संक्रमणमुक्त हुँदा ४ जनाको मृत्यु भएको छ ।
नेपालमा हाल कोरोनाका सक्रिय संक्रमितको संख्या २१ हजार ५८४ पुगेको छ ।
