काठमाडौं । पछिल्लो २४ घण्टामा ६७३४ जनामा कोरोना भाइरस (कोभिड–१९) संक्रमण पुष्टि भएको छ। स्वास्थ्य तथा जनसंख्या मन्त्रालयले दिएको विवरण अनुसार पीसीआर परीक्षणबाट ५७ सय ४७ र एन्टिजेन परीक्षणबाट ९८७ जनामा कोरोना पुष्टि भएको हो।
ती मध्ये काठमाडौं उपत्यकामा ३९३९ संक्रमित थपिएका छन्। स्वास्थ्य तथा जनसंख्या मन्त्रालयका अनुसार काठमाडौंमा २९४३, भक्तपुरमा २०१ र ललितपुरमा ७९५ संक्रमित थपिएका छन्।
२४ घण्टामा १७ हजार ४६५ परीक्षण भएको छ। जसमा पीसीआर १४ हजार १४ र एन्टिजेन ३ हजार ४५१ भएको । ५४७ जना कोरोनामुक्त हुँदा कोरोनाबाट मृत्यु हुनेको संख्या ३ रहेको स्वास्थ्य मन्त्रालयले जानकारी दिएको छ।
सक्रिय सक्रमितको संख्या ३० हजार ८७७ पुगेको छ ।
