काठमाडौं । पछिल्लो २४ घण्टामा देशभर ५५ सय ८३ कोरोना भाइरस (कोभिड–१९) संक्रमित थपिएका छन् । स्वास्थ्य मन्त्रालयले दिएको विवरण अनुसार पीसीआर परीक्षणबाट ३ हजार ६५७ र एन्टिनेज परीक्षणबाट १९२६ जनामा कोरोना पुष्टि भएको छ ।
२४ घण्टामा १७ हजार ६७४ कोरोना परीक्षण भएको स्वास्थ्य मन्त्रालयले जानकारी दिएको छ । यसमा १० हजार ७७६ पीसीआर र ६ हजार ८९८ एन्टिजेन परीक्षण भएको छ ।
यस आँकडामा एसएमएस तथा इमेलबाट आएका एन्टिनेज परीक्षणका रिपोर्ट पनि समावेश गरिएको स्वास्थ्य मन्त्रालयले जनाएको छ।
२४ घण्टामा ८२६७ जना कोरोनामुक्त भएका छन् । कोरोनाबाट मृत्यु हुनेको संख्या ९ रहेको स्वास्थ्य मन्त्रालयले जनाएको छ ।
देशभर सक्रिय संक्रमितको संख्या ७४ हजार ६५३ पुगेको स्वास्थ्य मन्त्रालयले जानकारी दिएको छ ।
