काठमाडौं । पछिल्लो २४ घण्टामा देशभर ३१ सय ७५ जनामा कोरोना भाइरस (कोभिड–१९) को सङ्क्रमण पुष्टि भएको छ । १२ हजार ६०५ जनाको कोरोना परीक्षण गर्दा पीसीआर विधिबाट २७ सय ४२ जना तथा एन्टिजेनबाट ४ सय ३३ जनामा सङ्क्रमण पुष्टि भएको हो ।
यही अवधिमा ८ हजार ७२३ जना सङ्क्रमणमुक्त भएका छन् । त्यस्तै, १४ जनाको कोभिड–१९ सङ्क्रमणबाट मृत्यु भएको छ ।
नेपालमा हाल ६३ हजार २९६ सक्रिय संक्रमित रहेका छन्।
यस्तै काठमाडौं उपत्यकामा १५ सय ९ जना संक्रमित थपिएका छन्। जसमध्ये काठमाडौंमा १२ सय ४९, भक्तपुरमा ७७ र ललितपुरमा १८३ संंक्रमित थपिएका हुन्। काठमाडौं उपत्यकामा ३५ हजार ७४८ सक्रिय संक्रमित छन्। जसमध्ये काठमाडौंमा २१ हजार ७३६, ललितपुरमा ९ हजार ३६० र भक्तपुरमा ४ हजार ६५२ सक्रिय संक्रमित छन्।
