काठमाडौँ। नेपालमा पछिल्लो २४ घण्टामा ४६४ संक्रमित थपिएका छन।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार शुक्रबार ४६४ संक्रमित थपिएका हुन् । त्यस्तै मन्त्रालयका अनुसार पछिल्लो २४ घण्टामा ७ हजार ९२६ जनाको पीसीआर परीक्षण गरिएको छ । पछिल्लो २४ घण्टामा देशभरका विभिन्न अस्पतालबाट ४२५ जना डिस्चार्ज भएका छन् भने देशभरमा सक्रिय संक्रमितको ६ हजार ३३० संख्या रहेको छ ।
बुधबार देशभर ३८१ कोरोना भाइरस संक्रमित थपिएका थिए भने १३० जना डिस्चार्ज भएका थिए । बिहीबार देशभर ३६० कोरोना संक्रमित थपिएका थिए भने २३३ जना डिस्चार्ज भएका थिए ।
प्रदेश १ मा ४२५ , प्रदेश २ मा २ हजार ८३९ , वागमती प्रदेशमा ९४३ , गण्डकी प्रदेशमा २७६ , प्रदेश ५ मा २७६ , कर्णलाी प्रदेशमा २३१ र सुदूरपश्चिममा एक हजार २४० सक्रिय संक्रमित रहेका छन् ।
पछिल्लो २४ घण्टामा देशभरका विभिन्न अस्पतालबाट ४२५ जना डिस्चार्ज भएका छन् । त्यसैगरी हालसम्म १५ हजार ८१४ जना डिस्चार्ज भएका छन् ।
हालसम्म देशभरका क्वारेन्टिनमा १० हजार २०७ मानिसहरु रहेका छन् ।
