काठमाडौं । १६ कात्तिकदेखि लिइने लोक सेवा आयोगका सम्पूर्ण लिखित परीक्षा स्थगित गरिएको छ । आयोगका कर्मचारीमा कोरोना संक्रमण, परीक्षार्थीमा भय उत्पन भएकाले अर्को सूचना प्रकाशित नहुन्जेलसम्मका लागि परीक्षा स्थगित गरिएको हो ।
परीक्षा व्यवस्थापनमा जनशक्ति खटाउन तथा परीक्षा व्यवस्थापन गर्न समस्या हुने भएकोले आयोगको पूर्व निर्णय बमोजिम तोकिएका निजामति सेवा, सुरक्षा निकाय र संगठित संस्था तर्फका सम्पूर्ण लिखित परीक्षा स्थगित गरिएको आयोगले सोमबार जारी गरेको एक सूचनामा उल्लेख गरेको छ ।
