काठमाडौं । बुधबार पछिल्लो २४ घण्टामा २५ सय ६९ जनामा कोरोना भाइरस संक्रमण पुष्टि भएको छ। यो सँगै नेपालमा संक्रमितको संख्या २ लाख २ हजार ३२९ पुगेको छ।
स्वास्थ्य तथा जनसंख्या मन्त्रालयका प्रवक्ता प्रा. डा. जागेश्वर गौतमले थप २५ सय ६९ जना थपिएसँगै संक्रमितको संख्या २ लाख २ हजार ३२९ पुगेको जानकारी दिए। जसमध्ये १ लाख ६२ हजार २४३ जनाले कोरोना जितेका छन् ।
काठमाडौं उपत्यकामा १२ सय ६१ जनामा कोरोना भाइरसको संक्रमण देखिएको छ । स्वास्थ्य तथा जनसंख्या मन्त्रालयकले काठमाडौं उपत्यकामा पछिल्लो २४ घण्टामा १२६१ जनामा कोरोना संक्रमण भएको पुष्टि गरेको हो । आज थपिएका नयाँ संक्रमित काठमाडौंका ९७६ जना, ललितपुरका २०४ जना र भक्तपुरका ८१ जनामा कोरोना संक्रमण पुष्टि भएको हो ।
२४ घण्टामा १६ सय ६६ जनाले कोरोना जितेका छन् । त्यस्तै पछिल्लो २४ घन्टामा नेपालमा थप २६ जनाको कोरोना संक्रमणबाट मृत्यु भएको स्वास्थ्य तथा जनसंख्या मन्त्रालयले जनाएको छ । योसँगै नेपालमा कोरोना संक्रमणबाट मृत्यु हुनेको संख्या ११ सय ७४ पुगेको छ ।
यस्तै मन्त्रालयका अनुसार देशभर सक्रिय संक्रमितको संख्या ३८ हजार ९१२ पुगेको छ । अहिले संस्थागत आइसोलेसनमा १० हजार ५१९ जना र होम आइसोलेसनमा २८ हजार ३९३ जना रहेका छन् । क्वारेन्टाइनमा १ हजार १०९ छन्।
२४ घन्टामा १० हजार ८१ पीसीआर नमूना परीक्षण गरिएको छ। ३८२ जनाको आइसीयूमा र ९५ जनाको भेन्टिलेटरमा उपचार भइरहेको मन्त्रालयले जनाएको छ।
