काठमाडौं । नेपालमा कोरोना भाइरस (कोभिड–१९) संक्रमितको संख्या २ लाख २० हजार ३०८ जना पुगेको छ । आज (आइतबार) १ हजार ६६९ जना नयाँ संक्रमित थपिएका छन् ।
नेपालमा कोरोना संक्रमणबाट मृत्यु हुनेको संख्या १ हजार ३२१ पुगेको छ । आज मात्र १६ जनाको मृत्यु भएको छ ।
आज ५ हजार ६९९ जना निको भई घर फर्किएका छन् । योसँगै कोरोनाबाट निको हुनेको संख्या १ लाख ९९ हजार ४० पुगेको छ ।
आजको पिसिआर परीक्षण ८ हजार ३२ रहेको छ । आजसम्म जम्मा पिसिआर परीक्षण १६ लाख ६० हजार ७५ रहेको छ । १९ हजार ९६३ कोरोनाका सक्रिय संक्रमित छन्। यस्तै मन्त्रालयका अनुसार संस्थागत आइसोलेसनमा ६ हजार ३५१ जना छन् र होम आइसोलेसनमा १३ हजार ६१२ छन्। यस्तै क्वारेन्टाइनमा ६८६ जना रहेका छन्। आइसीयूमा ३५९ जनाको र ६६ जनाको भेन्टिलेटरमा उपचार भइरहेको छ।
