काठमाडौं । बुधबार देशभर ८५२ जना कोरोना भाइरस (कोभिड–१९) संक्रमित थपिएका छन् । स्वास्थ्य तथा जनसंख्या मन्त्रालयका अनुसार २४ घण्टामा ६ हजार ३८३ जनाको नमुना परीक्षण भएकोमा तीन हजार ८७६ पीसीआर परीक्षणमध्ये ५३१ जनामा र २ हजार ५०७ एन्टिजेन परीक्षणमध्ये ३२१ जनामा कोरोना पुष्टि भएको छ ।
बुधबार कोरोना संक्रमणका कारण निधन हुनेको संख्या शून्य रहेको छ । यस्तै सो अवधिमा ३२८ जनाले कोरोना संक्रमण जितेका छन् । देशभरमा अहिले ५ हजार ४६२ जना सक्रिय संक्रमित रहेका छन् ।
आज थपिएका संक्रमितमध्ये काठमाडौंका २६१ जना, ललितपुरका ५५ जना र भक्तपुरका ६३ जना रहेका छन् ।
