ललितपुर । जिल्ला स्वास्थ्य कार्यालय ललितपुरले कोन्ज्योसोम गाउँपालिका–१ स्थित घोङ्वा टोलका महिला समूहलाई आवश्यक भाडाकुडाँ हस्तान्तरण गरेको छ । स्वास्थ्य कार्यालय ललितपुरको आयोजनामा साना तथा विशेष अनुदान कार्यक्रम अन्तर्गत उक्त भाडाकुडा ज्ञानोदय आमा समूहलाई प्रदान गरिएको हो ।
बिहीबार स्वास्थ्य कार्यालय ललितपुरका प्रमुख जनस्वास्थ्य प्रशासक सतिश विष्ट, कोन्ज्योसोम गाउपालिका–१ का वडाध्यक्ष सन्तलाल लामाले उक्त सामान आमा समूहलाई हस्तान्तरण गरेका हुन् ।
यसअघि स्वास्थ्य कार्यालयले कोन्ज्योसोम र महांकाल गाउँपालिकामा साना अनुदानका कार्यक्रम सञ्चालन गरेको थियो । जस अनुसार कोन्ज्योसोमका पाँच महिला समूहलाई पानी ट्यांकीसहितको सफा जुठेल्नो अनुदान कार्यक्रम वितरण गरिएको थियो । त्यसमध्ये उत्कृष्ट बनेको ज्ञानोदय आमा समूहलाई भाडाकुडा पनि प्रदान गरिएको हो । ‘उहाँहरुमध्येबाट राम्रो गरेकालाई हामीले भाडाकुडा दिएका हौं,’ स्वास्थ्य कार्यालय ललितपुरका प्रमुख जनस्वास्थ्य प्रशासक विष्टले बताए । उनका अनुसार दक्षिण ललितपुरमा पानी र विजुली मिल, सुधारिएको चुलोलगायत कार्यक्रमको लागि अनुदान दिइएको थियो ।
