अरुबेला व्यस्त रहने धेरैजसो कलाकारहरु लकडाउनमा खाली छन् । यद्यपी समय कटाउने मेलोे सबै कलाकारहरुले गरेका छन् । तर, केही कलाकारलाई भने सामाजिक कार्यमा भ्याईनभ्याई छ । यो बेला खाली समयको सदुपयोग सबै कलाकारहरुले फरक फरक तरिकाले गरिरहेका छन् । घर बसाइसमा के गर्दै छन् चर्चित सेलेब्रिटी ? दैनिकी न्युजले केही सेलेब्रिटीसँग गरेको कुराकानी:
फिल्म रच्दै दीपकराज
हास्यकलाकारका नामले परिचित हुँदै फिल्ममा हाम फालेका कलाकार तथा निर्देशक दीपकराज गिरी घरमै बसिरहेका छन् । उनी चर्चित फिल्म छक्का पञ्जाको चौथो सिरिजको स्क्रिप्ट रचना गरिरहेका छन् । ‘सकेसम्म समयको सदुपयोग गरेको छु, राम्रो काम गर्नेलाई यो अवसर हो,’ उनले सुनाए । त्यसो त दीपकराजलाई एकोहोरो लेखिरहन झ्याउ लाग्छ । व्यायाम, परिवारसँग भलाकुसारी र घरको अन्य काम पनि गर्छन् उनी ।
सामजिक सञ्जालमा व्यस्त रेखा
रेखा थापा सामाजिक सञ्जालमा व्यस्त रहन्छीन् । उनी सामाजिक व्यस्त रहेतापनि त्यसको दुरुपयोग भने गर्दिनन् । कसैकसैले रेखा थापा चौबिसै घण्टा अनलाईनमा भनेर पनि आरोप लगाउँछन् । तर, रेखाले सामाजिक सञ्जालमा आफ्न्तसँग कुराकानी र ज्ञानगुनका कुराहरु हेरेको बताउँछिन् । ‘मैले समयलाई आफ्नै तरीकाले प्रयोग गरेकी छु, यो समय अवसर पनि हो,’ उनले सुनाईन् ।
सरकारले लकडाउनको घोषणा गर्नुअघिदेखि नै नायिका तथा निर्मात्री रेखा थापा घरबाहिर निस्कन छाडेकी थिइन् । विश्वभर कोरोना भाइरसको महामारी फैलिएपछि सतर्कता अपनाउँदै तीन–चार दिन अघिदेखि आफू घरमै बसिरहेको रेखाले बताइन् ।
लकडाउनमा रेखा अहिले घरमा एक्लै छिन् । आमा गाउँ गएपछि एक्लै भएकी हुन् । एक्लै हुँदा पनि समय गएको पत्तै नहुने उनले बताइन् । ‘एक्लै छु, बिहान उठ्यो सरसफाइ र्गयो। एकछिन व्यायाम र्गयो, खाना पकायो खायो ।
योगा र पूजापाठमा दीपा
दीपाश्री निरौलालाई पनि अहिले प्रसस्त फुर्सदको समय छ । यो बेला उनी सकेसम्म घरमै बसेकी छन् । अरुबेला हिडिरहन पर्ने भएकाले अहिले उनले घरायसी काममा बढी समय दिएकी छन् । त्यसको साथसाथै पाठपुजा गर्न पनि उनलाई मनपर्छ । कोरोना भाइरसको संक्रमण रोक्न सरकारले देशभर लकडाउन गरेपछि उनले योगा र पूजापाठमा आफ्नो दिन बितिरहेको बताइन् । ‘बिहान उठेपछि केही समय योग गर्छु, पूजापाठ गर्छु,’ उनले भनिन ।
सामाजिक कार्यमा व्यस्त राज
अन्य कलाकारहरु घरमै बसिरहेको अवस्थामा कलाकार राज घिमिरे भने यतिबेला सामाजिक कार्यमा व्यस्त छन् । कोरोना जोखिमको पर्वाह नगरी उनी अहिले बिपन्नको सेवामा खटिएका छन् । चैत्र ११ गतेयता उनी घरघर र टोलटोलमा पुगेर राहत वितरण तथा कोरोना सचेतना बाड्दै आइरहेका छन् । सामाजिक सहयोग र राहत सामग्री किन्दा आफूसँग आर्थिक अभाव हुँदै गएतापनि उधोरोमै भएपनि अप्ठेरोमा परेकोलाई सहयोग गर्दै आइरहेको कलाकार घिमिरे सुनाउँछन् । ‘मसँग हुँदा मात्रै होइन नहुँदा पनि खर्चपर्र्च र ऐचोपैचो गरेर पनि दुःखीलाई हेरेको छ, मन भए पैसै चाहिन्छ भन्ने छैन, यस्तोबला कलाकारहरु घरभित्रै मात्र सिमित रहेर पुग्दैन,’ उनले सुनाए । उनले स्थानीयको घरमा खाद्यान्न वितरण गरेका थिए । पछिल्लो समय जोखिममा रहेका स्थानीयको कोरोना परिक्षणमा सहयोग तथा अन्य जिविकोपार्जनमा सहयोग गर्दै आइरहेका छन् । कोरोना महामारीबाट बच्न स्थानीयलाई मास्क, पञ्जा, स्यानिटाइजर लगायत सुरक्षा सामग्री बाडेका छन् ।
व्यायाम र पढाईमा व्यस्त वर्षा
वर्षा शिवाकोटी पढ्ने अभिनेत्रीको रुपमा परिचित छिन् । उनी अहिले घरमै बसेर व्यायाम गर्दै र पढ्दै दिन बिताइरहेको बताइन् । ‘अरुबेला फुर्सद नै हुन्न, अहिले धेरैपछि फुर्सदको समय पाएको छु । घरमै यसलाई सदुपयोग गरिरहेको छु,’ उनले भनिन् । उनले आफूसँग नयाँ नयाँ पुस्तक रहेको र ती पुस्तक पढ्ने गरेको जानकारी दिइन् । यसबाहेक उनले समय कटाउन फिल्म हेर्ने, सामाजिक सञ्जाल चलाउने र परिवारका सदस्यसँग कुरा गर्ने गरेकी छन् ।
छोरीसँग खेल्दै प्रमोद
पछिल्लो सयम व्यस्त हुने कलाकारका रुपमा पर्छन् गायक प्रमोद खरेल । उनी पनि अहिले घरमै बसेका छन् । उनलाई समय बिताउन भने निकै सजिलो छ । सानी छोरीसँग रमाउँदै गरेको फोटो उनले सामाजिक सञ्जालमा पनि पोष्ट गरेका थिए । ‘अहिले परिवारलाई धेरै समय दिएका छु,’ उनले भने, ‘यस्तो समय फर्की फर्की आउँदैन ।’
